Hi almal! Fred, ek moes die sakie 'n bietjie meer diplomaties gestel het - jammer! Ek het vermoed dat die 'fout' by die berig lê waaruit jy aangehaal het. Jennie, ek is bly dat die diskussie vir jou interessanter word :-) Judi, dankie vir jou opmerking! En, -jMu-, het jy regtig iets gekry op die Internet, wat verwys na my voormoeder, Engeltje vd. Bout? (Ek moet nog jou 'link' nagaan). Die rede waarom jy nie vir Engeltje op Geni kon kry nie, is omdat ek aanvanklik gedink het dat Jacomina Carteniers (van Oos-Vlaandere) my moederlinie-voormoeder was. Dit was egter foutief, as gevolg van 'n verkeerde 'terugwaartse' koppeling, konvensioneel genealogies-gesproke. Ongelukkig het ek die verkeerde moederlinie tot by Jacomina op Geni geplaas en nou kan ek dit nie ongedaan maak nie. Ek sal dit graag wil regstel - is daar iemand wat my kan help? Die regstelling sal onvermydelik ander mense se koppelings affekteer. Ek wil net ook 'n laaste punt maak - indien dit nie vir Sykes se genetiese genealogie was nie, sou ek nooit die fout agtergekom het nie. Ek sou nog altyd gereken het dat Jacomina Carteniers my moederlinie-voormoeder was. Sykes se stelsel het dus waarde - ook ten opsigte van konvensionele genealogie. Dit dien daar ten minste as kontrolemaatreël.